O aeroporto de Alvedro poderá contar co servizo de 35 novos taxis da Coruña
Ata o de agora só os taxis de Culleredo podían recoller os viaxeiros na terminal
Subir a un taxi en Alvedro coincidindo coa chegada dun voo é unha misión complicada. Na parada só podían operar ata o de agora as licenzas de Culleredo, escasas para dar servizo ao aeroporto.
"Cando hai tanta demanda o viaxeiro ao final o que quere é coller rapidamente u taxi para ir traballar ou ao seu domicilio", di Antonio Vázquez, presidente da Asociación Herculina do Taxi.
Na parada só podían operar ata o de agora as licenzas de Culleredo, escasas para dar servizo ao aeroporto.
"Se recollía un servizo un taxi da Coruña corriamos o risco de que nos sancionaran", asegura Ricardo Villamisar, de Auto-Taxi.
A Xunta de Galicia e os concellos de Culleredo e da Coruña dan un paso adiante para mellorar un servizo para máis dun millóns de pasaxeiros que utilizan cada ano esta terminal.
"Son 35 licenzas as que van operar en primeira liña, 30 de Culleredo e 5 da Coruña. Despois vai haber unha bolsa de 30 taxistas da Coruña para reforzar o servizo", explica o alcalde de de Culleredo, José Ramón Rioboo.
"Darlles un bo servizo aos cidadáns que non entenden de límites administrativos", cre a alcaldesa da Coruña, Inés Rey.
O acordo vén dar ademais solución a anos de enfrontamentos entre os profesionais do taxi dos dous concellos.
"Que os taxis da Coruña poidan operar con seguridade e non verse ameazados cunha posible sanción por non saber se se podían ou non recoller aos pasaxeiros", explica Diego Calvo, conselleiro da Presidencia.
Os taxistas piden avanzar agora nun servizo metropolitano que permita sumar licenzas ao servizo dos viaxeiros.
