Cancelados uns 200 voos no aeroporto de Bruxelas pola folga de controladores aéreos
Piden aos pasaxeiros afectados que non se despracen ata a terminal
A partir das 21:00 horas deste martes as conexións operarán con normalidade, segundo informou o aeroporto a través da súa páxina web
Aeroporto de Bruxelas
Ao redor de 200 voos que debían saír ou chegar ao aeroporto de Bruxelas na tarde deste martes foron anulados tras o peche do tráfico aéreo debido a unha folga dos controladores aéreos de Skeyes, segundo anunciou ese aeroporto.
A folga, convocada de xeito espontáneo, terá lugar entre as 14:00 e a 19:00 hora local, precisou a terminal na súa páxina web.
O aeroporto de Bruxelas pediu aos pasaxeiros que tiñan un voo previsto nese horario que non se despracen ao lugar e indicoulles que serán contactados polas súas compañías aéreas.
A situación normalizarase despois das 21:00 horas
"Segundo a información dispoñible, os voos programados para despois das 21:00 horas deste martes deberían poder realizarse.
Aconsellamos aos pasaxeiros que consulten a información proporcionada pola súa aeroliña e na nosa páxina web para obter a información máis recente", engadiu o aeroporto de Bruxelas.
A ministra de Aeroportos da rexión de Valonia, Céline Neven, dixo que aínda que apoia plenamente o diálogo social "a acción iniciada onte á noite é simplemente inaceptable" e esixiu "un debate rápido sobre os mecanismos para garantir a continuidade do servizo".
