A néboa obriga a desviar dous voos no aeroporto da Coruña

A baixa visibilidade provocada pola néboa obrigou a desviar este martes dous voos no aroporto coruñés de Alvedro. 

Segundo confirmaron fontes de Aena, un voo procedente do aeorporto Adolfo Suárez Madrid-Baraxas tivo que regresar ao aeródromo madrileño ante as condicións meteorolóxicas.

Outro voo que partira de Milán con destino á Coruña tamén foi desviado pola escasa visibilidade e finalmente aterrou no aeroporto do Peinador, en Vigo.