Nova protesta dos traballadores de Alu Ibérica para pedir a intervención da SEPI

Os traballadores de Alu Ibérica da Coruña volveron cortar os accesos á planta no polígono de Agrela. É a chamada desesperada dos 300 empregados da factoría, que esixen que a SEPI reflote a fábrica. Insisten en que é a única saída logo de que o xulgado do mercantil acordara que a compañía entre en fase de liquidación polas débedas que acumula.

Nas últimas horas tamén se pronunciaba Alcoa, a antiga propietaria. Di que quere buscar un acordo cos traballadores de Avilés e da Coruña para poñerlles fin aos procesos xudiciais abertos relacionados coa venda das plantas.