Non só a Morrisey lle amola non poder durmir
A tortura de non poder durmir
Hai máis de 170 enfermidades relacionadas coa falta de descanso nocturno
"Cando un quere durmir e non pode, é o peor que hai no mundo", apunta un rapaz.
O descanso nocturno debería ser sagrado, e non só para o cantante Morrissey. Baixar decibeles durante a noite é unha obriga que non sempre se cumpre.
"Vaia, cando hai festas, ademais póñenme xusto a música en fronte da casa e non hai dereito tampouco".
"A veciña pasa o aspirador ás 12 da noite".
"Eu ás miñas veciñas quéroas moito, pero a verdade é que están todo o día raca raca".
"E se pasa o coche de recoller o lixo tamén se escoita".
"E logo o que si que aquí unha discoteca e o que o murmurio non me molesta pero cando se poñen a berrar un grupiño ".
"Se é todos os días é moi molesto chegará o momento que eu que sei se non podes descansar?", comentan varias persoas pola rúa.
Se non podes descansar, o corpo é quen as paga.
"Cando esperto é moi difícil que poida volver a conciliar o sono".
"Iso desquicia e mándate ao psicólogo ou ao psiquiatra".
"Si que afectaba, mesmo de poñerte máis nerviosa, a cabeza parece que se aceleraba e entrábache como un pico de ansiedade, a ver se calan, a ver se calan".
Durmir mal provoca un maior risco de depresión e ansiedade e está detrás de máis de 170 enfermidades sobre todo cardiovasculares, metabólicas e neurolóxicas.
