Veciños do Castrillón, na Coruña, piden solución mecánica para salvar a pendente ao centro de saúde

A rúa Xeneral Salcedo Molinuevo da Coruña ten unha pendente forte que se fai especialmente dura de transitar para persoas con mobilidade reducida e tamén para moitas maiores. Sábeno ben os veciños do Castrillón cando hai que andar o traxecto cara ao centro de saúde e á volta.

Hai quen pensa nalgún sistema mecánico como solución para axudar a superar a pendente. Tamén hai veciños que consideran que iso sería un gasto superfluo.

Varios transeúntes sinalaron, fóra de cámara, que hai outros problemas máis relevantes e prioritarios á montaxe dun sistema para facer esta costa máis levadía.