Nevadas esporádicas e unha intensa xeada nas serras orientais

A cota de neve sitúase nos 800 metros, pero polo momento apenas nevou nas serras orientais. Caeron folerpas de forma esporádica, que non chegaron a callar. Tamén se rexistrou moito frío, con mínimas de cinco graos baixo cero e cunha impresión térmica de ata menos oito graos.

Na montaña lucense sinalan que o inverno que acaba de rematar foi un dos máis secos que lembran. Houbo poucas nevadas, e moi escasas.

Nas xornadas vindeiras poderá haber nevadas esporádicas, coma esta rexistrada na Fonsagrada. Iso si, as temperaturas mínimas seguirán sendo negativas.