Naufraga un barco en Cangas por un cabo que enganchou nunha hélice

Naufraxio con final feliz en Cangas. Pouco antes das dez da mañá unha planadoira que andaba á nécora acabou encallada en punta Couso en Cangas.

Afortunadamente un golpe de mar deixou á embarcación e o seu tripulante, un veciño de Aldán de 49 anos na próxima praia do portal.

Gustavo andaba as nécoras nesta costa agreste de Punta Couso a bordo da súa embarcación: a María Luisa, unha lancha tipo planadora de catro metros de eslora cando rematou nas pedras porque a hélice se enleou con un cabo.

O seu amigo Álvaro Castro que pescaba noutra embarcación similar puido alertar a emerxencias antes de que outro golpe de mar lle arrebatase o móbil.

Finalmente un golpe de mar levou a Gustavo e a súa embarcación a veciña praia do Portal case ileso malia o susto.

Ata o lugar achegáronse por mar a Patrulleira Corvo Mariño da Garda Civil, o buque Irmáns García Nodal de Garda Costas da Consellería do Mar e tamén Policía Local e Protección Civil.

Máis alá das doce da mañá a embarcación e o náufrago aínda continuaban na praia pola gran dificultade de acceso por terra ata o lugar. Xa que unha propiedade privada restrinxiu o acceso e a entrada polo exterior é moi completa a pé con rochas e mato imposible para un tractor ou unha ambulancia; tal e como veciños e xente do mar levan denunciando hai anos.