Na praia de Area, en Viveiro, hai un salón de peiteado ao aire libre xunto ao areal
A iniciativa xurdiu cando no Resurrection Rest varias persoas que querían retocar o seu aspecto preguntaban onde facelo
O salón de peiteado manterase durante o verán, mentres o tempo o permita
Foi durante o Resurrection Fest cando varias persoas que querían retocarse preguntaban onde podían facelo, así que a dona deste bar de Area, en Viveiro, habilitou un espazo para elo.
Explica Richard Lage, que é quen se ocupa do servizo, que "sempre ando co maletín e as tesoiras e nas horas baixas do festival estiven facendo cortes de pelo".
A iniciativa foi ben acollida desde o primeiro momento, de feito pensa en ampliar os días de traballo neste improvisado tocador situado sobre a area e a escasos metros da beira do mar. Aclara que "a idea era que fose para xente de fóra, pero está chamando a atención a moita xente". A dona do bar, Marina Dovale, asegura que "hai xente que vén de turista e retócase o pelo aquí porque así non vai a un salón de peiteado".
O servizo manterase ata finais de verán en función do tempo.
