Cargando resultados...
Denuncian o mal estado dos cables nas fachadas dos edificios da cidade vella da Coruña
Denuncian o mal estado dos cables nas fachadas dos edificios da cidade vella da Coruña
Os veciños temen que calquera día aconteza unha desgraza
G24.gal
06/07/2022 14:20
Un incendio orixinado nunha embrolla de cables do tendido eléctrico dun inmoble da rúa Damas volveu xerar queixas entre os veciños, que viron como as lapas devoraban o toldo do local de hostalería que hai no baixo e invadían toda a fachada.
Tras o susto, denuncian, unha vez máis, o mal estado da instalación dunha morea de casas da cidade vella herculina que, segundo explican, en moitos casos son de madeira.
Por lei, as compañías non están obrigadas a soterrar os seus tendidos eléctricos, pero os veciños entenden que algo hai que facer.
Desta volta quedou nun susto, pero temen que calquera día aconteza unha desgraza.