Na aldea de Loiro os veciños elaboran cada ano a decoración de Nadal
Os seus 70 veciños botan man da imaxinación para que a aldea mude a súa faciana
Despois de varias semanas de preparación, a aldea de Loiro vestiuse un ano máis de Nadal.
"A árbore, as casas, toda a decoración foi feita polos veciños e iso penso que é o máis importante, e puxémola agora, este mes para lucir a aldea e que a xente veña visitarnos", explica Manuel Fernández, da asociación cultural Loiro na memoria.
Lonxe dos grandes presupostos, os seus setenta veciños botan man da imaxinación para que a aldea mude estes días a súa faciana.
"O meu fillo que é ebanista, fixo os carriños e as casetas, despois os outros decoraron todo, pero está todo moi bonito".
"Están moi ben e eu coido que son dignas de quitarlle uns retratos, como se dicía antes."
"Si, a verdade é que chama a atención, agora xa estamos no nome de todos e a seguir así".
"Hai uns anos que empezaron a facer isto e está estupendamente, claro que si. Válelle a vida á aldea".
"Pois bonita, sobre todo unhas casas que hai alí, están moi ben feitas."
"Está con cada detalle incrible, está xenial, hai que felicitalos."
