Morren os doce ocupantes dun avión que se estrelou no estado de Misuri
A aeronave, que transportaba varios paracaidistas, acababa de engalar pero non puido gañar altitude
O lugar do accidentes. REUTERS
Polo menos doce persoas faleceron este domingo nun accidente de avión na cidade de Butler, en Misuri (nos Estados Unidos), segundo informou a Patrulla de Camiños do estado no seu perfil de X.
Os axentes atópanse no lugar do sinistro -preto do aeroporto Butler Memorial Airport, na autoestrada Business Interstate 49- axudando o Departamento de Policía e á Oficina do Shériff do condado de Bates.
"Hoxe por hoxe, os informes indican que todos os ocupantes (12 en total) faleceron", escribiu a patrulla.
A aeronave, que transportaba varios paracaidistas do centro de caída libre Skydive Kansas City, acababa de engalar pero non puido gañar altitude. Tras virar á esquerda, estrelouse ao redor da 11:30 horas, segundo informa a NBC News.
A Xunta Nacional de Seguridade do Transporte dixo estar a solicitar información para investigar o acontecido. Polo de agora, as autoridades non difundiron máis detalles sobre o accidente.
O avión caeu preto dunha estrada. REUTERS
