Trump anuncia que acadou con Irán as bases para un acordo de paz

Donald Trump asegura que acadou con Irán as bases dun acordo que inclúe a apertura inmediata e completa do Estreito de Ormuz e o fin da ameaza nuclear.

Segundo explicou na súa rede Social Truth, tanto Irán como outros países de Oriente Medio pedíronlle que pospuxese calquera ataque á república islámica ao haber un entendemento, ao que tamén se sumaría Israel. Así que, engadiu, "en aras  do beneficio futuro do mundo" accedeu.

Lembramos que o pasado 17 de xuño Washington e Teherán asinaron un marco de entendemento  para poñer fin á guerra que permitiu reabrir o Estreito de Ormuz.

Porén, os ataques cruzados fixeron que Trump dese por cancelado o acordo e que Irán bloquease  a navegación por un punto polo que circula o 20% do petróleo mundial.

A guerra entre os Estados Unidos e Teherán comezou o pasado 28 de febreiro.