Morren 22 persoas e 54 quedan feridas nun ataque con mísiles rusos en Ucraína
No ataque faleceron cinco nenos, tres deles bebes
O obxectivo foi un edificio residencial de varias plantas situado na rexión de Cherniguiv, ao norte do país
Reuters
Vinte e dúas persoas morreron e outras 54 foron feridas no ataque ruso deste mércores que destruíu un edificio residencial de varias plantas na cidade de Priluki da rexión de Cherniguiv, no norte de Ucraína, segundo o último resultado ofrecido este xoves polo Servizo de Emerxencias de Ucraína.
“Nestes momentos, os rescatadores continúan buscando entre os entullos e desmontando as construcións derruídas”, aseguran.
O presidente Volodimir Zelenski cualifica o ataque como un acto de terrorismo deliberado. "Este é o agasallo que fixo Putin polo seu aniversario: o asasinato de nenos, o asasinato de persoas", denunciou.
Entre os falecidos no ataque hai cinco nenos, tres deles de apenas un ano.
mg/llb
(vídeo)
