Publicador de contidos

Publicador de contidos

Ucraína ataca de novo con drons a ponte de Crimea

Ucraína ataca de novo con drons a ponte de Crimea

É o segundo ataque masivo de Kíiv sobre territorio ruso en 24 horas

Moscova responde cunha nova ofensiva sobre as infraestruturas ucraínas provocando danos en dúas pontes

Reuters Reuters
G24.gal 17/11/2026 07:47

Rusia volveu atacar con mísiles e drons a capital ucraína, provocando danos en dúas das pontes que conectan ambas beiras do río Dniéper, que atravesa e divide en dúas a capital ucraína. Trátase da ponte norte e sur, pechadas temporalmente ao tráfico tras seren alcanzadas en repetidas ocasións en ataques rusos nas últimas semanas.

O peche temporal destas infraestruturas afecta o movemento do metro entre as dúas beiras do río Dniéper, xa que a liña verde do Metro, que conecta ambas marxes de Kíiv, pasa nun dos seus tramos pola ponte Pivdeni.

As autoridades ucraínas advertiron recentemente de que Rusia busca dificultar o movemento entre as metades oeste e leste de Ucraína con bombardeos constantes.

O presidente ucraíno, Volodímir Zelenski, xa advertira que Rusia preparaba un ataque destas características, e Kíiv respondeu a esta acción realizando o seu segundo ataque masivo con drons sobre territorio ruso. A ponte de Crimea, que une a anexionada península con Rusia Occidental, foi de novo o seu obxectivo.

Segundo o Ministerio de Defensa de Rusia. as defensas antiaéreas derribaron nas últimas horas 1.441 drones enimigos nunha vintena de rexións do país.

 

Publicidade
Publicidade
Publicidade
Publicidade