Publicador de contidos

Publicador de contidos

Países europeos crearán en Ruanda o primeiro "centro de retorno" para solicitantes de asilo rexeitados

Países europeos crearán en Ruanda o primeiro "centro de retorno" para solicitantes de asilo rexeitados

"Austria, Dinamarca, Países Baixos, Alemaña e Grecia queren inauguralo xuntos en 2027

"Se o retorno ao país de orixe non é posible, as persoas sen dereito a residir serán devolvidas no futuro a un terceiro país, como por exemplo Ruanda", dixo o chanceler austríaco

O chanceler austríaco e o ministro do Interior ruandés, en rolda de prensa. REUTERS/Leonhard Foeger O chanceler austríaco e o ministro do Interior ruandés, en rolda de prensa. REUTERS/Leonhard Foeger
G24.gal 16/11/2026 17:06 Última actualización 16/11/2026 17:18

 Os gobernos de Alemaña, Austria, Dinamarca, Grecia e Países Baixos acordaron con Ruanda a creación dun denominado "centro de retorno" para solicitantes de asilo rexeitados na Unión Europea (UE), segundo anunciou este luns en Viena o chanceler federal austríaco, o conservador Christian Stocker.

Stocker cualificou o acordo como un "cambio de paradigma verdadeiramente histórico na política migratoria" da UE, tras unha reunión cos ministros do Interior de Ruanda e dos cinco países europeos.

"Austria, Dinamarca, Países Baixos, Alemaña e Grecia queren inaugurar xuntos en 2027 o primeiro centro de retorno en Ruanda", afirmou o xefe do Goberno austríaco ante os medios de comunicación.

Stocker asegurou que, con esta iniciativa, os cinco países pretenden "privar os traficantes do seu inhumano modelo de negocio e evitar así as mortes no Mediterráneo e noutras rutas perigosas".

Ademais, buscan "aliviar" a presión sobre as capacidades dos países europeos, que se viron sometidas a unha enorme tensión polos movementos migratorios dos últimos anos.

"Porque, se as persoas sen dereito a residir na Unión Europea non poden ser expulsadas do país, todo o noso sistema de asilo convértese nun absurdo. E, polo tanto, non o imos permitir", declarou Stocker.

"Se o retorno ao país de orixe non é posible, as persoas sen dereito a residir serán devoltas no futuro a un terceiro país, como por exemplo Ruanda. Porque debemos ser os donos da nosa propia casa. E isto é válido tanto a nivel nacional como europeo", subliñou o chanceler austríaco.

Publicidade
Publicidade
Publicidade
Publicidade