Un morto e un ferido grave nun incendio que obrigou a desaloxar un edificio na Coruña
O lume puido ter a súa orixe no cadro eléctrico do inmoble
Un incendio no cadro eléctrico no portal dun edificio da rúa San Isidoro, na Coruña, deixou este xoves un morto, un ferido e dúas persoas detidas. Segundo algunhas testemuñas estaban manipulando o cadro eléctrico.
O suceso ocorreu ás 17:45 da tarde. As últimas informacións apuntan que hai 19 persoas realoxadas nun polideportivo.
Desde a central de emerxencias solicitouse a intervención dos Bombeiros da Coruña, que, ao chegar ao punto, atoparon as escaleiras ateigadas de fume. Tras sufocar as lapas e durante os traballos de ventilación, localizaron dúas persoas inconscientes no primeiro andar.
O persoal do Servizo de Urxencias Sanitarias de Galicia–061 prestoulles asistencia no lugar, pero só unha puido ser evacuada en estado crítico ao Hospital Universitario da Coruña. A outra vítima faleceu a consecuencia do suceso.
Os servizos de emerxencia permanecen na zona, garantindo a seguridade e facilitando a saída dos residentes mentres continúan coa ventilación do inmoble.
🔴 #AXEGAInforma dunha persoa falecida e doutra trasladada en estado crítico tras un incendio nun edificio na Coruña.
— 112 Galicia (@112Galicia) November 27, 2025
📍 Rúa San Isidoro.
➡️ Os equipos de intervención continúan no punto, evacuando o edificio e realizando tarefas de ventilación.
🔗 https://t.co/LVYQQQv3Lq pic.twitter.com/9CJ5QbGRyH
