Morre unha persoa e outra queda ferida ao bater co coche contra unha casa en Outes
O sinistro producise pola saída da vía do vehículo no que viaxaban no lugar de Viro, no Cruceiro de Roo
Unha persoa faleceu a primeira hora da mañá deste xoves, pasadas ás 6:00, e outra máis quedou ferida nun accidente de tráfico ocorrido no concello coruñés de Outes.
O sinistro producise pola saída da vía do vehículo no que viaxaban no lugar de Viro, no Cruceiro de Roo, onde bateu contra unha casa. De feito foi un residente na vivenda quen alertou os servizos de emerxencia.
O falecido, duns 30 anos, é a persoa que conducía o vehículo sinistrado, segundo informa o 112 Galicia, que tivo que ser liberado do interior do coche, no que quedara atrapado, por efectivos dos bombeiros de Boiro de do GES de Noia.
🔴 #AXEGAInforma dunha saída de vía contra unha vivenda cunha persoa falecida e outra ferida en Outes.
— 112 Galicia (@112Galicia) May 1, 2025
📍 Lugar de Viro, Roo.
➡️ O falecido é o condutor do vehículo, excarcerado por @BomberosBoiro e GES de Noia.
🚨 Urxencias Sanitarias de Galicia-061, @guardiacivil de Tráfico. pic.twitter.com/i7Jg2WOkU6
A persoa ferida no sinistro, en principio de carácter leve, de 26 anos, tamén ía no interior do coche e tamén tivo que ser liberado polos servizos de emerxencia. Foi trasladado en ambulancia a un centro hospitalario.
A Garda Civil investiga as causas do sinistro. Segundo parece o falecido non levaba o cinto de seguridade no momento do impacto contra a casa.
