Falece un traballador en Covelo ao caerlle enriba unha árbore
O accidente produciuse na parroquia de Lamosa, en Corzós
Arquivo
Accidente laboral en Covelo en Pontevedra. Un operario faleceu ao caerlle enriba unha árbore. Aconteceu 10 minutos antes das 10:00 desta mañá na Lamosa, no lugar de Corzós, segundo a información recollida polo 112 Galicia.
Rapidamente, desde o CIAE 112 Galicia informouse os Bombeiros de Ponteareas, a Garda Civil e a Agrupación de Voluntarios de Protección Civil de Oitaven-Tea. Tamén se mobilizou persoal do Servizo de Urxencias Sanitarias de Galicia-061, que xa tiñan constancia do suceso.
🔴 #AXEGAInforma do falecemento dun traballador en Covelo.
— 112 Galicia (@112Galicia) April 22, 2026
📍 Corzós, parroquia da Lamosa.
➡️ Á vítima caéralle unha árbore enriba.
🔗 https://t.co/HvLZV7o2ff pic.twitter.com/SMKm1Akg4C
Unha vez no punto, os servizos de emerxencia só puideron confirmar o falecemento da persoa.
