Falece un motorista de 57 anos ao bater contra un vehículo en Santa Comba
Falece un motorista de 57 anos ao bater contra un vehículo en Santa Comba
O accidente foi na AC-400 á altura do polígono de Catroventos, na parroquia de Mallón
A moto ardeu por completo
Un motorista de 57 anos, con iniciais R. C. B., faleceu esta tarde na AC-400 ao bater contra un turismo na parroquia de Mallón, no concello de Santa Comba, á altura do polígono de Catroventos. Foi ás 14:30 horas no quilómetro 59,5.
Interviñeron a Garda Civil de Tráfico, o GES de Brión e o Servizo Municipal de Protección Civil. Tamén persoal sanitario do 061, que desprazou un helicóptero medicalizado. Tras o impacto, a moto incendiouse e ardeu por completo.
Accidente en Cerdedo-Cotobade
Outro motorista quedou ferido na estrada PO-233 á altura de Carballedo, no concello de Cerdedo-Cotobade. O sinistro ocorreu pasadas as 13:30 horas.
Segundo algunhas testemuñas, a moto circulaba en sentido Ourense cando un coche se incorporou á vía, non puido esquivalo, bateu contra a roda dianteira e saíu despedido polo aire varios metros.
Tamén foi precisa a presenza dun helicóptero medicalizado, pero o motorista, que tiña lesións nas costelas e nunha perna, foi trasladado en ambulancia ao hospital.
.png)
