Morre un motorista de 56 anos logo de sufrir unha saída de vía en Outes

Un motorista de 56 anos faleceu tras unha saída de vía no quilómetro 8 da DP-5604, en Outes. 

Non houbo máis vehículos implicados.

O accidente ocorreu un cuarto de hora despois das 18:00, logo de que o motorista pegara contra un tubo dun desaugadoiro. 

Os xestores do 112 Galicia informaron o Servizo de Urxencias Sanitarias de Galicia-061, que mobilizou o helicóptero con base en Santiago ata o lugar.

Tamén acudiron o GES de Noia e a Garda Civil de Tráfico.

Porén, nada puideron facer os servizos de emerxencias por evitar o falecemento do home.