Morre un motorista de 23 anos nun accidente no paseo da Castellana, en Madrid

Un mozo de 23 anos morreu en Madrid ao bater a moto que conducía contra un VTC, un vehículo que presta servizo con condutor. O falecido viaxaba na moto cun acompañante que resultou ferido de gravidade e foi trasladado ao hospital cun traumatismo cranioencefálico severo.

Ocorreu no paso da Castellana sobre as nove da noite. Os sanitarios do Samur non puideron facer nada por salvarlle a vida ao piloto, que faleceu no acto. A Policía Local investiga as causas do accidente.