Morre un septuaxenario atropelado na N-554, en Vilaboa
Algunhas testemuñas sinalan que o falecido puido cruzar a estrada por unha zona non sinalizada para facelo
Un veciño de Vilaboa de 78 anos perdeu a vida este mércores nun atropelo que tivo lugar na estrada N-554 ao seu paso por Acuña, no concello de Vilaboa. Algunhas testemuñas sinalan que o falecido puido cruzar a estrada por unha zona non sinalizada para facelo.
#AXEGAInforma dun home falecido
— 112 Galicia (@112Galicia) December 3, 2025
📍N-554, Acuña, #Vilaboa
▶️A vítima foi alcanzada por un vehículo
🚨Urxencias Sanitarias de Galicia-061, Guardia Civil de Tráfico, Protección Civil de Vilaboa pic.twitter.com/WaQk8KNQge
Ata o lugar do sinistro, que se produciu minutos antes das sete da tarde, desprazáronse efectivos de Urxencias Sanitarias de Galicia-061, Garda Civil de Tráfico e Protección Civil de Vilaboa. Os sanitarios foran alertados de que o home estaba moi grave, pero finalmente non puideron facer nada por salvarlle a vida.
O condutor e os ocupantes do vehículo que embestiu a vítima resultaron ilesos.
