Mondoñedo celebra a 46 edición da rapa da bestas do Campo do Oso

Así baixaban as bestas de mañanciña polos montes de Santa Maria Maior, en Mondoñedo. Cara ao mediodía as mandas todas xa estaban no curro do Campo do Oso. Din que a baixada foi un pouco máis complicada ca de costume

" Dificultouse un pouco a baixada porque estamos estreando un curro novo, e aínda non están adaptadas a entrar aquí neste curro novo", explica Alba Recalde, presidenta da asociación cultural Rapa das Bestas Campo do Oso

Xuntaron arredor de 200 bestas. Unha vez que os aloitadores fixeron o seu traballo, non sen esforzo, comezaron os labores de limpeza e identificación dos animais.

"Cortámoslles as crinas para que no verán estean o máis libres posible e marcámolos para recoñecelos, marcámolos con nitróxeno. Agora non doe, como pasaba antigamente cando se facía a fogo quente", explica a presidenta da asociación cultural Rapa das Bestas Campo do Oso.

(Efe-Eliseo Trigo)

Coma sempre, nas rapas uns traballan e outros gozan do espectáculo. Houbo moito publico chegado de toda a provincia de Lugo, e tamén moitos turistas.

"Veño de Lugo, e vin porque é un acontecemento moi especial do verán"

"Precioso, un tempo marabilloso, moi bonito, e ao rapaz encántalle os animais, un día perfecto"

"Somos de León, pero temos un apartamento en San Cosme, en Barreiros, e vimos que estaba isto aquí e decidimos achegarnos"

A rapa das bestas do Campo do Oso de Mondeñedo xa ten detrás de si 46 anos de historia.