Milleiros de persoas visitan a Feira de Santos de Gontán

Hai máis de dous séculos que se celebra en Gontán, Abadín, a Feira de Santos, cadrando co primeiro sábado do mes de novembro, un evento no que gandeiros e tratantes mercantilizan co gando das súas propiedas, boa parte del procedente da zona norte da provincia de Lugo.

Pero este evento tamén é unha oportunidade para que veciños e coñecidos que levaban tempo sen atoparse cadren e compartan o seu tempo, segundo nos comenta un dos gandeiros cos que falamos.

Un dos alicientes desta feira é o concurso de gando; outro é a posibilidade de poder mercar produtos de proximidade e temporada, como castañas, noces e grelos.