Meteogalicia pon en marcha un sistema de predición máis preciso

A partir de hoxe, Día Meteorolóxico Mundial, Metogalicia pon en marcha un novo modelo de predición a disposición dos profesionais e dos particulares a través da web e dun número telefónico. Trátase dun sistema de medición moito máis preciso e fiable.

"Damos un paso moi importante despois dun ano de traballo. Os 22 profesionais de Meteogalicia van facer que as predicións melloren no espazo e no tempo.  É un modelo cunha resolución moito maior, pasando de 4 quilómetros a 1, e iso dende o punto de vista local é moi significativo", dixo a conselleira de Medio Ambiente, Territorio e Vivenda, Ángeles Vázquez.