A Xunta anima os concellos a sumarse ao convenio de xestión da biomasa

A Consellería do Medio Rural anima os concellos a adherirse ao convenio de xestión da biomasa nas faixas secundarias para contar co apoio da Xunta.

A conselleira María José Gómez presentoulles a alcaldes e alcaldesas o novo acordo asinado con SEAGA ata 2029 e que contempla un aumento do orzamento ata os 25 millóns. Gómez asegurou que a prevención de incendios é prioritario para a Xunta e tarefa de todos. 

Gómez informou de que o novo convenio para a limpeza de biomasa nas franxas secundarias publicarase o vindeiro luns, 29 de decembro, no Diario Oficial de Galicia (DOG), a partir do cal poderán adherirse os municipios galegos.

Todo iso despois de que a Federación Galega de Municipios e Provincias (Fegamp) non rubricase este acordo ao rexeitalo por considerar que conta con medidas insuficientes tras a vaga de incendios que arrasou máis de 100.000 hectáreas o pasado verán.

Na súa intervención ante os rexedores, a conselleira convidou a sumarse a este convenio que "ofrece vantaxes para todos os municipios", xa que desde 2018 opina que se demostrou que "é eficaz". "Seguimos confiamos neste sistema que creo que funciona", asevera.