Martín Gayo renova co Frigoríficos ata o 2026
Martín Gayo renova co Frigoríficos ata o 2026
Moyano: “É un xogador moi importante para nós. A pesar da súa mocidade entende perfectamente o noso sistema de xogo"
O lateral dereito Martín Gayo ampliou dous anos máis, ata xuño de 2026, o seu contrato co Frigoríficos do Morrazo, ao que chegou no verán de 2019 procedente do Seis do Nadal.
“Martín é un xogador que representa á perfección os valores do noso club: compromiso, talento galego e mocidade. Por iso, estamos moi contentos de que siga connosco”, declarou o presidente do Frigoríficos, Alberto González.
O xogador, de 23 anos, é un dos fixos no sete inicial do técnico Nacho Moyano. No presente campionato Gayo suma 49 goles en 21 partidos (2,33 de media por encontro), polo que ten ao seu alcance o seu récord de goles na liga Asobal (65 no curso pasado).
“É un xogador moi importante para nós. A pesar da súa mocidade entende perfectamente o noso sistema de xogo e, cando se atopa cómodo, é un xogador diferencial”, destacou o seu adestrador.
Coa renovación de Martín Gayo, o Frigoríficos do Morrazo pecha o posto de lateral dereito para o curso 2024-25 porque ao internacional caboverdiano Rafa Andrade réstalle un ano de contrato coa entidade galega.
𝐔𝐧 𝐝𝐨𝐬 𝐧𝐨𝐬𝐨𝐬 𝐚𝐭𝐚 𝟐𝟎𝟐𝟔
— Balonmán Cangas (@balonmancangas) April 17, 2024
✍️ @MartinGayo14 renova o seu contrato connosco por dúas tempadas. Toda a información en: 𝐛𝐚𝐥𝐨𝐧𝐦𝐚𝐧𝐜𝐚𝐧𝐠𝐚𝐬.𝐜𝐨𝐦 🔍
Loki aproba isto ✅, e vós? 😜#AtaOFinal #ÉunSentimento pic.twitter.com/trIP7pfNlo
