Continúa o temporal no mar con avisos por ondas de ata seis metros

A formación da borrasca Marta ao norte de Portugal traerá un día máis de inestabilidade atmosférica. O temporal mantense no mar este sábado con avisos por ondas en todo o litoral.

Segundo informa Meteogalicia, ata o mediodía será laranxa con ondas que poden superar os seis metros, sobre todo, nas Rías Baixas e na Costa da Morte. Despois pasará a ser amarelo ata a madrugada.

Os ceos estarán nubrados durante toda a xornada, con chuvascos a partir da tarde, máis frecuentes na metade sur da comunidade. A cota de neve situarase nos 1200 metros e baixará aos 1100 pola noite.