Máis de mil quilos de mexillón para degustar de balde nas festas de San Vicenzo, en Rábade

Os bares de Rábade serven de escaparate para o mexillón galego. Financiados pola Consellería de Pesca, repartíronse 1.200 quilos entre os negocios para ofrecelos como degustación de balde. 

Xa van 21 anos de celebración. Todo comezou a raíz do desastre do Prestige, no ano 2002; comezou a celebrarse para promocionar o consumo. 

Cada establecemento prepara os mexillóns ao seu gusto e os clientes amósanse encantados coa iniciativa. Unha degustación do saboroso molusco que ademais coincide coas festas de Rábade.