Máis de 400 deportistas compiten na Liga Galega de Salvamento de Augas Abertas

Máis de catrocentos socorristas compiten na segunda xornada da Liga Galega de Salvamento de Augas Abertas, que se desenvolve en Bergondo. Nas probas matutinas participaron as categorías xuvenil, júnior, absoluta e máster, que comezaron a competición coa carreira de esprinte. 

Estreáronse na auga coa carreira de esquí, antes de nadar unha distancia de trescentos metros nas frías augas da praia de Gandarío.

O salvamento deportivo é unha disciplina minoritaria e bastante descoñecida que pouco a pouco vai gañando forza en Galicia, onde xa hai unhas novecentas licenzas deportivas.