Luis Casimiro está moi satisfeito cun Breogán "moi equilibrado con xogadores de nivel"

É hora de dar un paso adiante. Luis Casimiro non agocha a súa satisfacción coas seis incorporacións realizadas. Albisca un Breogán máis completo.

"É un equipo moi equilibrado con xogadores de nivel".

Sobresae a figura do croata Danko Vrankovic. Os seus 2.17 dotan o equipo de máis poder intimidador.

"Ter un 7 pés, como din os americanos, achega presenza. Temos que sacarlle todo o bo que ten".

A estrea, fronte o Porto, deixou boas sensacións. Pero alén das individualidades, Casimiro prioriza o colectivo.

A segunda parada da precampaña chega coa disputa da Copa Galicia esta fin de semana na Coruña.