As luces do Nadal e as compras ateigan a cidade de Vigo

O acendido das luces, que este ano é ás seis e media da tarde, enche o centro da cidade e converte a Vigo nun lugar que convida ao paseo porque as rúas principais vólvense peonís.

Non é doado chegar ata aquí en coche porque os accesos e as arterias principais da cidade adoitan colapsar nun día coma o sábado, cando moitas persoas aproveitan para facer compras e ao mesmo tempo gozar das decoracións do Nadal.

O tempo acompaña e convértese nun aliciente máis para achegarse ata un dos alumeados con máis sona.