Atopan un estibador morto no porto da Coruña

Contra as 09:30 horas deste domingo traballadores do porto da Coruña avisaron os servizos de emerxencia de que atoparan un estibador inconsciente na zona de talleres do peirao de San Diego.

Malia os intentos de reanimación realizados polos seus compañeiros e polos servizos sanitarios mobilizados polo 112, non puideron facer nada por salvarlle a vida ao traballador da empresa TMGA.

Ata o lugar desprazáronse, ademais dunha ambulancia do 061, axentes da Policía Nacional e da Garda Civil e membros da Autoridade Portuaria da Coruña.

Os primeiros indicios apuntan a que o estibador morreu por causas naturais.