Cargando resultados...
Libre pero investigado por homicidio o condutor que caeu co coche ao río en Cotobade
Libre pero investigado por homicidio o condutor que caeu co coche ao río en Cotobade
O mozo pasou este mércores a disposición xudicial en Pontevedra, pero negouse a declarar
G24.gal
05/10/2022 16:45
Última actualización 05/10/2022 17:30
Queda en liberdade con cargos o mozo de 24 anos que caeu co coche ao río Almofrei en Cotobade este martes.
No sinistro, lembramos, faleceu a súa acompañante, unha moza de 29 anos.
O condutor está investigado por homicidio imprudente e tamén por un delito contra a seguridade viaria por conducir sen carné.
O mozo pasou a disposición xudicial este mércores en Pontevedra pero acolleuse ao seu dereito a non declarar.
O accidente ocorreu arredor das tres da tarde deste martes na ponte do Almofrei, na aldea de Loureiro.
