Liberado un condutor que quedou ferido ao saír da vía en Barreiros

Un condutor tivo que ser liberado este luns pola mañá en Barreiros (Lugo) ao ferirse cando saíu da vía e quedar atrapado dentro do vehículo.

Segundo informa o 112 Galicia, os feitos ocorreron minutos despois das 06:00 horas e foi o propio sistema de emerxencias eCall do coche o que avisou do incidente. En concreto, o accidente ocorreu no punto quilométrico 519 da A-8, ao seu paso por San Miguel de Reinante, en Barreiros. O condutor puido falar co 112 e dixo que estaba atrapado e ferido.

Por iso, informouse aos Bombeiros de Barreiros e á Garda Civil de Tráfico, foi necesario o uso de material de excarceración para liberar o único ocupante do coche. Finalmente, os servizos sanitarios trasladaron ao hospital o home, que se atopaba consciente, aínda que presentaba varias posible fracturas.