As confrarías de Viveiro ultiman os preparativos para a Semana Santa
A celebración relixiosa é unha das máis senlleiras de Galicia con máis de 700 anos de historia
Declarada Festa de Interese Turístico Internacional, atrae cada ano milleiros de visitantes
Son moitos os detalles que teñen que preparar estes días as confrarías de Viveiro de cara ás procesións da Semana Santa. Dende os ensaios das bandas que acompañan os pasos ata pasarlle o ferro os centos de traxes dos confrades.
"Estamos na recta final dos últimos preparativos, lustrando os candeeiros, acabando de poñer todo o roupeiro ao día, labores de costura, de limpeza... E xa nunha semana os últimos preparativos das montaxes", explica René Gómez, Confrade Maior da Confraría da Misericordia.
Quedan só dúas semanas para as primeiras procesións e axiña chegará o momento de comezar a montar os pasos nas andas e a decoralos cos arranxos florais.
"Se montan na anda en que van a procesionar cos vestidos, neste caso temos detrás a Virxe da Esperanza que ten un manto co que procesiona que non é o que ten posto. E mo resto dos pasos pois un pouco o mesmo: móntanse as andas, os candeeiros, as iluminacións, gualdrapas quen as leve...", di José Miguel Soto, da Xunta de Confrarías da Semana Santa de Viveiro.
Coidan ao mínimo cada detalle para que as imaxes luzan o mellor posible nas procesións dunha Semana Santa en que oito irmandades sacarán á rúa 39 pasos acompañados de 3.500 confrades.
Unha celebración declarada de interese turístico internacional que atrae cada ano milleiros de visitantes.
