Unha furgoneta envorca na AP-9 preto de Santiago e esparexe a carga de cervexa que transportaba

Unha furgoneta envorcou na AP-9, á altura de Oroso, concello limítrofe con Santiago. O vehículo de repartición circulaba en sentido Compostela cando parece que lle rebentou unha roda. 

Como consecuencia do accidente quedou atravesada na estrada e parte da carga que transportaba, cervexa, quedou esparexida pola calzada. 

Mentre non retiraron a furgoneta sinistrada un dos carrís estivo cortado. Por sorte non houbo feridos.