Liberadas 15 vítimas de explotación sexual en Palma de Mallorca

A Policía Nacional liberou quince mulleres vítimas de explotación sexual en Palma de Mallorca. A maioría das mulleres eran de orixe asiática e foran captadas por unha organización mediante anuncios publicados en redes sociais.

A operación deixa catorce persoas detidas, sete delas en prisión provisional. Quedou desartellada unha rede criminal que tiña as mulleres en condicións de escravitude, forzándoas a estar dispoñibles de xeito permanente para exercer a prostitución.

Foi unha das vítimas quen acudiu á Policía tras conseguir fuxir do local onde estaban retidas e explotadas.