Leiro celebra a súa festa da vendima enriba das carruaxes
A participación veciñal é fundamental para manter esta festa
Recordan a vendima de tempos pasados e tamén os lumes destas semanas que chegaron ata as súas vides
Dende as carrozas de Leiro os traballos do viño vense sempre doutro xeito.
Esta festa é o día grande. Dá moito traballo facela pero é especial, gozas dela coa xente da vila".
"Isto é bárbaro, unha festa inmellorable, moita participacion. Tomamos dous 'chupitos' de licor e cantamos e bailamos".
Foi aló por 1963 que o concello de Leiro decidiu celebrar por vez primeira esta festa, e dende aquela, con algunha interrupción, aquí cada último domingo de agosto, o viño e a vendima son os protagonistas.
"Con isto de que a xente bebe pouco viño e cos aranceis non vendemos, entón ímolo embotellar".
"Isto é moi bonito e pásase moi ben. Nas vendimas antes era unha marabilla, agora non tanto".
Grandes e pequenos poñen o mellor de si, para que a festa sexa a de todos. Os máis cativos proban o mosto, os maiores o viño, e tampouco faltan xamón e chourizo para ir pasando o día.
"É moi divertida. Levamos despensa, bebida, a tarabela... "
Teñen concurso de carrozas e acios, mostra de viños e ata un concerto das corais da vendima. Hai nestas carrozas moita historia, pero tamén actualidade.
"Houbo viñas que se queimaron aí en Beade e en Leiro. Nós estivemos nesas viñas e estivemos collendo a borralla.
A festa da vendima de Leiro, declarada de Interese turístico de Galicia, segue collendo pulo ano tras ano. Unha aposta pola súa historia e pola tradición, para a que semella que hai canteira.
