Karolina Sotolová, internacional checa, asina polo Baxi
Sotolová: "Estou moi emocionada de compartir esta viaxe co equipo e compartir a enerxía cos fans nas bancadas"
O Baxi Ferrol ficha a internacional checa Karolina Sotolová (25 anos). A base, que se atopa concentrada coa selección absoluta do seu país preparando o Eurobasket, chega procedente do que foi rival do combinado ferrolán na fase de grupos da Eurocup o KP Tany Brno.
"Estou moi emocionada coa tempada que vén o en Baxi Ferrol. Estou moi emocionada de compartir esta viaxe co equipo e compartir a enerxía cos fans nas bancadas. Non podo esperar para coñecervos a todos e formar parte da familia do Baxi Ferrol. Vémonos pronto", indicaba a checa nunha mensaxe ao club.
Tenemos las primeras palabras de Karolina SO TO LO VA como jugadora del Baxi Ferrol. pic.twitter.com/FRuXa4UwXW
— Baxi Ferrol (@UniFerrol) June 2, 2025
Esta é a terceira fichaxe do club ferrolán, que xa incorporou á base Karla Erjavec e a interior Ine Joris. Lino López logrou manter a gran parte do bloque que a pasada campaña logrou o fito de colgarse a prata da Eurocup Women e clasificarse para o play off polo título da liga Feminina Endesa.
Gala Mestres, Blanca Millán, Moira Joiner, Claire Melia e Alba Sánchez Ramos continúan baixo a batuta do comandante do cadro naval.
