Juan Fernández, baixa para o partido contra o Bonn
Mrsic: "Se gañamos por máis de 15 puntos, podemos ser primeiros ou segundos"
O internacional arxentino Juan Fernández é baixa para o partido que este mércores disputará o Río Breogán contra o Telekom Bonn por mor do golpe que recibiu no último partido ligueiro contra o UCAM Murcia.
O pivote, un dos referentes no xogo interior do equipo breoganista, retirouse no terceiro cuarto dese encontro e xa non tivo minutos no último.
“Juan Fernández vai ser baixa, esperemos que se poida recuperar para o partido contra o Obradoiro”, declarou o croata Veljko Mrsic, que tampouco poderá contar co pivote internacional italiano Mouhamet Diouf, quen pasará polo quirófano para liquidar os seus problemas no xeonllo.
“Temos só dous xogadores nas posicións interiores, así que temos que expor ben como xogar este partido. Buscaremos solucións para que este problema non se vexa durante o partido”, comentou o técnico breoganista en conferencia de prensa.
Ata a data, o equipo galego ha gañado os dous partidos que disputou no Pazo Provincial (68-48 ao Bursaspor e 82-72 ao Hapoel Holon) e perdeu os tres que xogou lonxe de Lugo (77-65 na pista do Bursaspor, 84-79 na do Holon e 86-71 en terras alemás).
"Se gañamos por máis de 15 puntos, podemos ser primeiros ou segundos".
