Jessica Bouzas debuta con vitoria en Wimbledon
A galega impúxose 6-2 e 6-3 á austríaca Potapova
Xogará a segunda rolda contra a ucraína Yastremska
A tenista Jessica Bouzas, número 48 do ránking WTA, arrasou este luns á austríaca Anastasiya Potapova, cabeza de serie número 27 do torneo, por un contundente 6-2 e 6-3.
A galega, que empregou 1 hora e 17 minutos, foi moi superior á súa rival e amosouse moi sólida co saque, ao cedelo unicamente nunha ocasión.
No primeiro set, Bouzas, de 24 anos e que o ano pasado chegou á cuarta rolda, conseguiu romper o servizo da súa rival en dúas ocasións para pechar a manga por 6-2. A vilagarciá mantivo o seu dominio e colocouse con 5-2 e saque. Nese momento, Potapova conseguiu recurtar distancias, pero inmediatamente despois Bouzas devolveu o 'break' para sentenciar o encontro.
Na segunda rolda, a galega verase as caras coa ucraína Dayana Yastremska, número 67 do mundo, que derrotou á xaponesa Aoi Ito por 7-6 (1), 4-6 e 7-5.
