Jessica Bouzas cae con claridade ante Madison Keys
Caeu de xeito contundente coa estadounidense Madison Keys por 6-0 e 6-1 en só 54 minutos
A galega Jessica Bouzas despediuse este mércores en oitavos de final do torneo de Eastbourne (Reino Unido), de categoría WTA 250 e disputado en herba, ao caer de forma contundente coa estadounidense Madison Keys por 6-0 e 6-1 en só 54 minutos. Bouzas, número 48 do ránking WTA, non puido prolongar contra Madison Keys, segunda cabeza de serie, as boas sensacións mostradas na súa estrea no torneo fronte á británica Alicia Dudeney (6-0 e 6-3).
Keys mostrouse contundente co seu saque e segura nas recepcións e non deu ningunha opción a Bouzas, que non gañou nin un só xogo no primeiro set e despediuse do torneo tras perder en menos dunha hora.
Soaring into the quarterfinals 💫@Madison_Keys with a flawless performance to defeat Bouzas Maneiro 6-0, 6-1!#LexusEastbourneOpen pic.twitter.com/5U8M2FAgP8
— wta (@WTA) June 24, 2026
