Jéssica Bouzas encara o US Open "con ganas" ante a croata Vekic

O sorteo do cadro feminino do US Open deparou un enfrontamento de grande interese en primeira rolda entre a arousá Jéssica Bouzas Maneiro e a croata Donna Vekic.

A tenista galega, de 22 anos e actualmente no posto 40 da clasificación WTA, afronta o último Grand Slam do ano nun momento de forma excepcional. Bouzas demostrou a súa progresión con resultados de enorme valor durante as últimas semanas: oitavos de final en Wimbledon e en Cincinnati, ademais de cuartos de final en Montreal.

"Con ganas, está sendo unha xira positiva, estou adestrando ben e gústame o torneo".

O seu rival será Donna Vekic, xogadora de 29 anos nacida en Osijek, quen desenvolveu a súa paixón polo tenis desde moi temperá idade.

"Non xogamos nunca, é unha xogadora de gran nivel pero todas as rondas son duras".

A croata ocupa actualmente o posto 55 da clasificación WTA, aínda que na súa traxectoria chegou a alcanzar o número 17 mundial.