Javi Díaz renova co Cangas e será o máis veterano da Asobal

Javi Díaz seguirá unha temporada máis no Balonmán Cangas. Acaba de cumprir 47 anos e asinou a renovación co Frigoríficos do Morrazo. Será a súa temporada número 23 xogando na Liga Asobal.

Debutou no ano 1993, con dezaoito anos. Pero se non miramos o carné de identidade e nos fixamos nos números, Javi Díaz foi o sexto porteiro con máis paradas da liga a temporada que termina. Eterno, Javier Díaz Pérez.