Irán di que o acordo cos EUA non é inminente a pesar dos avances acadados
Desde a República Islámica sinalan os “cambios frecuentes” nas posturas estadounidenses como a causa na demora na sinatura dun pacto
(West Asia News Agency/Majid Asgaripour/vía Reuters)
Irán afirmou este luns que a sinatura dun acordo cos Estados Unidos non é inminente a pesar dos avances nas negociacións de paz, debido ao que considerou “cambios frecuentes” nas posturas dos responsables estadounidenses.
“É certo que chegamos a conclusións sobre moitas cuestións en discusión, pero iso non significa que a sinatura dun acordo sexa inminente”, aseverou o portavoz do Ministerio de Exteriores iraniano, Ismail Bagaei, nunha conferencia de prensa.
O portavoz reiterou ademais que as negociacións nestes momentos están centradas na fin da guerra e non no programa nuclear iraniano, cuestión que se deixará para máis adiante.
