Un tirador morto e un viandante ferido nun tiroteo preto da Casa Branca
O suceso, que obrigou ao peche de seguridad do complexo, prodúcese un mes despois do intento de atentado contra Donald Trump na cea de Correspondentes da Casa Branca
Kylie Cooper/Reuters
Un tiroteo nas inmediacións da Casa Branca, en Washinton, rematou esta madrugada co presunto atacante abatido polos axentes do Servizo Secreto e cun segundo ferido, ao parecer, un transeúnte que pasaba pola zona.
Segundo as primeiras investigacións, o home abriu fogo preto dun control de seguridade situado moi preto da residencia presidencial. Os axentes responderon aos disparos e conseguiron neutralizalo. Despois, foi trasladado ao hospital en estado crítico, onde faleceu pouco despois.
As autoridades estadounidenses aseguran que a situación está xa baixo control, despois de que a Casa Branca activase temporalmente o peche de seguridade do complexo. O director do FBI, Kash Patel, confirmou que hai axentes federais sobre o terreo investigando o ocorrido.
Este novo incidente rexístrase apenas un mes despois de que outro home armado tentara acceder á cea de correspondentes da Casa Branca, e que obrigara a evacuar ao presidente Donald Trump.
