Investigan un roubo con forza no quiosco da ONCE de Arteixo

Aconteceu de madrugada e un dos cristais do quiosco da ONCE, situado na rúa principal de Arteixo, quedou completamente estragado por mor dos fortes impactos que deron cun obxecto contundente.

O obxectivo non era outro que roubar. De feito, o ladrón meteu a man polo burato e colleu o caixón. Porén, por seguridade, non deixan cartos. 

Así que o botín foi unha grampadora, bolígrafos e varias moedas de céntimos. Porén os danos foron moito maiores xa que José Antonio, o vendedor, ten que despachar na rúa ata que lle repoñan o cristal.

A Garda Civil xa abriu unha investigación para poder dar co autor ou autores deste delito.