Investigan un home pola morte do seu bebé de 20 días en Lanzarote
Arquivo. Europa Press
A Garda Civil investiga un home como presunto autor do homicidio imprudente do seu bebé de 20 días na illa de Lanzarote.
Os feitos ocorreron a mediados de abril, cando os servizos de emerxencia foron alertados dun bebé que se atopaba en parada cardiorrespiratoria nunha vivenda de Tinajo.
Axentes da Policía Local do municipio conseguiron recuperar da parada o bebé, que foi trasladado nun primeiro momento ata o Hospital Doctor José Molina Orosa da illa e, posteriormente, ao Materno Infantil de Las Palmas de Gran Canaria, onde finalmente faleceu.
Segundo o informe forense do Instituto de Medicina Legal de Las Palmas, a causa da morte do bebé foi un forte golpe na cabeza que lle causou un traumatismo cranioencefálico.
En base a dito informe e ás declaracións que fixo o investigado en distintas ocasións -cambiando de versión-, a xustiza abriu dilixencias contra o pai do bebé.
